តារា&សិល្បៈ
នៅថ្ងៃទី២៦ ខែសីហា ឆ្នាំ ២០២១នេះមហាជនអ្នកប្រើប្រាស់បណ្ដាញសង្គមហ្វេបុកមានការភ្ញាក់ផ្អើលយ៉ាងខ្លាំង ក្រោយពេលបានឃើញភរិយារបស់លោកស៊ុក សុភា
ដែលជាតួឯកនៅក្នុងរឿងទុំទាវឆ្នាំ ២០០០ បានបង្ហោះសារលើបណ្ដាញសង្គមហ្វេបុករបស់នាងប្រកាសលែងលះស្វាមី។
ក្នុងនោះភរិយារបស់លោក ស៊ុក សុភាបានប្រកាសថា សុំជូនដំណឹងដល់បងប្អូនទាំងអស់គ្នា អោយបានដឹងថា៖ ខ្ញុំនិង ស៊ុក សុភា លែងលះគ្នាហើយ ដូច្នេះចាប់ពីថ្ងៃនេះទៅ គាត់ធ្វើអ្វីជាសិទ្ធរបស់គាត់ រីឯខ្ញុំក៏ជាសិទ្ធរបស់ខ្ញុំ។ មូលហេតុ សុំមិនបកស្រាយ មានតែពាក្យថា ឆ្អែត!
ក្រោយការបង្ហោះសារប្រកាសលែងលះគ្នារួចមក ធ្វើអោយមហាជនមួយចំនួនបញ្ចេញមតិថា នេះគ្រាន់តែជាការសម្ដែង។
ក្រោយពេលបានឃើញមហាជនខ្លះលើកឡើងបែបនេះ ស្រាប់តែភរិយារបស់លោក ស៊ុត សុភាបានចេញមកបញ្ជាក់ច្បាស់ៗនៅខាងក្រោមផុសរបស់នាងថា
ខ្ញុំសុំបកស្រាយយ៉ាងខ្លីថា មិនមែនសម្ដែង តែជាការពិត រឿងដូច្នេះ ខ្ញុំមិនយកមកលែងសើចទេ។ សុំបកស្រាយថា ដែលយើងលែងគ្នាមិនមែនមកពីរឿងកំហុសដែលយើងធ្វើខុសទេ តែមកពីភាគីម្នាក់យកក្រុមគ្រួសារមកបូកចូល។
គេធ្វើអោយយើងឃើញថាគ្រួសារគេ មិនចេះខុស យើងជានរណាក៏ដោយ នៅដល់ណាក៏ដោយ យើងត្រូវទទួលថាយើងខុស យើងជាក្មេងជាកូន ចង់គេមិនអោយតម្លៃ ក៏យើងត្រូវតែទទួលថាយើងខុស ចង់យើងខំប្រឹងដើម្បីកូនគេយ៉ាងណា ក៏យើងត្រូវទទួលថាយើងខុស។ ចៃដន្យ មនុស្ស ដូចខ្ញុំ ខុសថាខុស ត្រូវថាត្រូវ មិនខុសមិនអោនក្បាលជាដាច់ខាត។
បើបងបានប្ដីមិនចេះបែកចែករឿងគ្រួសារ និងជីវិតប្ដីប្រពន្ធអោយបានច្បាស់លាស់ផង យើងអោយឱកាសទៀតដដែលៗម្ដេចបាន? យើងមិនអោយគេស្អប់គ្រួសារគេទេ យើងក៏ចេះស្រឡាញ់គ្រួសារយើង
គេក៏ចេះស្រឡាញ៉គ្រួសារគេ តែសុំអោយចេះបែងចែងរវាងក្ដីស្រឡាញ់ទាំង២ណឹង អោយបានច្បាស់លាស់។ មនុស្សខ្ញុំជាមនុស្សចិត្តបុណ្យ ធ្វើបុណ្យណាស់ បើចេះអោបក្រសោបខ្ញុំ ជួយអស់ពីខ្លួនងាប់ចោល តែកុំអោយតែខ្ញុំជួយហើយ មើលរំលងឬមិនអោយតម្លៃខ្ញុំ ខ្ញុំសុខចិត្តដោះលែងអ្នកឯងចោលដូចគ្នា។ ខ្ញុំធ្វើបុណ្យងាប់ចោល តែកុំអោយតែមិនឃើញតម្លៃខ្ញុំអាចអស់ចោលដូចគ្នា។
